Zer da? – Hamaika Begirada – Enlazando Miradas

Hamaika Begirada – Enlazando Miradas kongresu bat da, hitz horren benetako esanahia bere egin nahi duena. Kon-gresu: «bildu eta elkarrekin urratsak egin» (hori da kon-gresuaren asmoa: `congredi´ –elkarrekin joan, bildu). Aditz latindar hori «con-» (elkarrekin) aurrizkiaz eta «gradi» (urratsak egin, ibili) aditz sinpleaz osatzen da.

Bigarren edizioa 2020ko urriaren 20an, 21ean eta 22an abiatu zen. Oraingoan erabat linean egin bazen ere, 2017an Gasteizen ospatutako kongresuaren formak eta metodologiak mantendu zituen, hura bezala, topagune kolektibo eraldatzailea izan zedin. Ikusi hemen nola joan zen lehenengo edizioa.

Feminismoak, ekonomia eraldatzaileak eta kontsumo kritiko eta arduratsua jarri genituen erdigunean. Harremanetan jarri genituen eredu berri bat eraikitzeko, non esparru publikoak dagokion ardura hartzen duen. Aldi berean kolektiboa (amankomuna), elkar errekonozimendua eta antolatzeko beharra aldarrikatu genuen.

Modu horretan, geure burua aztertu, jakinduria eraiki eta ikaskuntzak sortu ahal genituen. Era berean proposamenak, alternatibak eta esperientzia inspiratzaileak identifikatu ziren, bide horretan jarraitzeko.

Programa ikusi

Nori zuzentzen zaio

Kongresu hori zure interesekoa izango da baldin eta:

Gaur egungo egoera nola eralda daitekeen jakin nahi baduzu, ekitate zein berdintasun sozialetik, ekologiatik eta abarretik.
Ekonomia Sozial eta Solidarioaren entitateetan lan egiten baduzu eta egunerokotasunean berritzeko eta ikuspegiak zabaltzeko moduen bila ari bazara.
Feminista bazara eta sentitu nahiz pentsatzeko grina baduzu; bai eta feminismoa erakundeen egunerokotasunaren parte izateko modua zehaztu nahi baduzu eta kontsumo kontzientea, arduratsua, eraldatzailea eta abar bilatzen ari bazara ere.
Gai horiek aintzat hartzen dituzten esperientziak, pertsonak eta entitateak ezagutu nahi badituzu eta sare bat sortu nahi baduzu.
Covid19-az geroztik bizi dugun egoera dela medio, ordezko aukeretan pentsatu baduzu edo sortu badituzu. Krisi horren eraginez zailtasunak izan badituzu zaintzetarako, diru-sarrerak murrizteko neurriek eragin badizute…

Programa ikusi

Metodologia

Saioak linean egin ziren, Zoom plataformaren bitartez. Izena eman zuten pertsona guztiek txosten bat jaso zuten informazio praktikoarekin, ekitaldia jarraitzeko eta parte hartzeko. Ongi bete zedin, Hamaika Begirada – Enlazando Miradas kongresuak laguntza jaso zuen: Altekio enpresak errazte- zein -dinamizazio-lanak egin zituen eta, horrez gain, Solvico enpresaren laguntza teknikoa jaso zuen.

Gogobetegarria izan zen kongresuaren lehenengo edizioan noraino iritsi ginen ikustea, bai eta nola egin genuen ere. Oraingo bigarren edizioan oso garrantzitsua izan ziren berriz ere nola egin genuen, eztabaidan eta kreatibitatean oinarritutako proposamen bizigarrian, hain zuzen ere.

Lan-ardatzak

Hamaika Begirada – Enlazando Miradas kongresu bat da, hitz horren benetako esanahia bere egin nahi duena. Kon-gresu: «bildu eta elkarrekin urratsak egin» (hori da kon-gresuaren asmoa: `congredi´ –elkarrekin joan, bildu). Aditz latindar hori «con-» (elkarrekin) aurrizkiaz eta «gradi» (urratsak egin, ibili) aditz sinpleaz osatzen da.

Hamaika Begirada – Enlazando Miradas kongresuak lau lan-ardatz edo ildo izan zituen.

Alternatibak krisiaren aurrean intersekzionalitatetik

Zer ageri da COVID-19aren krisiaren ondorioz? Publikotik eta kolektibotik abian.

Erakunde bizigarri eta bideragarriak

Bizitza erdigunean eta feminismoak erakunde-kultura berri baterako gida bezala.

Indarkeria kontsumitzen dugu?

Indarkeria matxistarik gabeko kontsumo eraldatzailea sortzeko gakoak.

Pribilegioak mahai gainean

Sexu- eta genero-aniztasuna eta dekolonialitatea eta antirazismoa kontsumo eredu alternatiborako ekonomia sozial eta feministaren ikuspegitik.

Hiru ahalmenak

Ikuspegi horretatik, ulertzen dugunez, kontsumo kontziente, arduratsu eta eraldatzaileko eredua nahiz Ekonomia Sozial eta Solidarioa lortze aldera, hiru ahalmen-mailatik ekin behar zaio.

Aldaketa pertsonalaren ahalmenetik

Arlo pertsonaletik zer erabaki hartu eta zer jardun egin ditzakegun modu kritikoagoan, arduratsuan eta jasangarrian kontsumitzeko eta hori eraldaketa-tresna izateko.

Talde-indarraren ahalmenetik

Talde gisa nola osatzen garen giza bizitza eta planeta errespetatzen dituen kontsumo eredua sortzeko.

Jokoaren arauak aldatzeko ahalmenetik

Kontsumo kapitalistaren oinarrien egitura aldatzerako orduan zeintzuk dira erantzukizun politikoak eta ekonomikoak.

Antolatzailea

Hamaika Begirada – Enlazando Miradas SETEM Hego Haizeak antolatutako kongresua da. Aldaketa posibleak sustatzen dituen erakundea gara, eta, ikuspegi feministatik abiatuta, ekoizpen- eta kontsumo-eredu jasangarriagoen, bidezkoagoen eta arduratsuagoen bila ari gara. Eragin soziala eta politikoa egiten dugu ikerkuntzaren eta salaketaren bidez, ordezko aukerak eratuz eta prestakuntza, herritarren mobilizazioa eta nazioarteko lankidetza suspertuz.

2016an ekin genion «Indarkeria kontsumitzen dugu?» kanpainari; haren bitartez, kontsumoaren eta indarkeria matxisten arteko loturan sakontzen dugu. Kanpaina horren barruan, besteak beste ikerketa bat argitaratu genuen, duela gutxi hedatu duguna, bai eta Fabricando Mujeres dokumentala ere.

Finantzatzaileak

Gainera, kongresu hori antolatu da honako entitate hauen finantzaketari esker: Garapenerako Lankidetzaren Euskal Agentzia, Bizkaiko Foru Aldundia, Gipuzkoako Foru Aldundia, Arabako Foru Aldundia eta Donostiako Udala.