Ongi etorria eman nahi dizugu SETEM Hego Haizearen Hamaika Begirada – Enlazando Miradas kongresura. Kontsumo kritikoaren, arduratsuaren eta eraldatzailearen esparruan nahiz ekonomia sozial eta solidarioaren arloan ikuspegi feminista gehitzeko eta ikasteko topagunea da. Jokoaren arauak aldatzeko espazioa.
2020ko urriaren 20an, 21ean eta 22an bigarren edizioa abiatu genuen. Oraingoan, linean garatu zen erabat. Ongi etorri gune honetara, non kongresuan sortutako material guztiak eskura dituzun.
Hamaika Begirada – Enlazando Miradas kongresu bat da, hitz horren benetako esanahia bere egin nahi duena. Kon-gresu: «bildu eta elkarrekin urratsak egin» (hori da kon-gresuaren asmoa: `congredi´ –elkarrekin joan, bildu). Aditz latindar hori «con-» (elkarrekin) aurrizkiaz eta «gradi» (urratsak egin, ibili) aditz sinpleaz osatzen da.
Hamaika Begirada – Enlazando Miradas kongresuak lau lan-ardatz edo ildo izan zituen.
Zer ageri da COVID-19aren krisiaren ondorioz? Publikotik eta kolektibotik abian.
Bizitza erdigunean eta feminismoak erakunde-kultura berri baterako gida bezala.
Indarkeria matxistarik gabeko kontsumo eraldatzailea sortzeko gakoak.
Sexu- eta genero-aniztasuna eta dekolonialitatea eta antirazismoa kontsumo eredu alternatiborako ekonomia sozial eta feministaren ikuspegitik.
